الفجر ركعة واحده .. وصيام رمضان للعصر..وحجاب بطرحه وبادي نص كم

الفجر ركعة واحده .. وصيام رمضان للعصر..وحجاب بطرحه وبادي نص كم

سؤال بيطرح نفسه انا مش قريبة اوي من ربنا.. ومعنديش صحبة صالحة.. ولسه بحاول اظبط حالي استفساري كالتالي ينفع اصلي الفجر ركعة.. والضهر والعصر والمغرب والعشاء ركعتين.. لحد ماظبط حالي؟؟ طيب..استحملوني ينفع اصوم رمضان لحد الضهر.. او العصر.. حسب حرارة الجو؟ طيب ينفع ابر اهلي مرتين في السنة؟ من غير زعيق بس.. دي مقدرتي. وانا لسه مش قريبة!! فخلوني اعمل اللي اقدر عليه.. وكمان مهو كتير اوي حواليا بيعملوا كده!! انتو ليه مكبرين الموضوع؟! بالمناسبة [ندعوك للتسجيل في المنتدى أو التعريف بنفسك لمعاينة هذه الصورة] انا قررت اتحجب.. بس مش الحجاب اللي ربنا أمرني بيه،، انا عملت عليه بعض التعديلات.. يعني مفيهاش حاجه اما تبقى رابطة سبانيش! او بادي نص كم على بنطلون.. مهو أنا لابسة الطرحة! او جيبة قصيرة بعد الركبة وعليها بوووت.. مهو أنا لابسه الطرحة! ايه ياجماعة.. مهو انا اسمي محجبه.. واديني لابسه الطرحه!! هو انتو مش راضيين أصلي على مقدرتي.. ولا أصوم على مقدرتي.. ولا حتى ابر اهلي على مقدرتي.. وكمان هتتحكموا في لبسي؟! Got it? ولا لسه؟ هو الصلاة - الصوم - بر الوالدين.. الاخلاق.. الحجاب دي احنا مطالبين بنسبة كام منها؟ 10% 40% 80% فيه فرق كبير.. بين ان الواحد ميكونش عارف ازاي يصلي.. او عنده عذر يمنعه من اداء الصلاة بشكل صحيح.. وبين واحد عارف.. ومطنش فيه فرق كبير اوي.. بين واحد فاهم شروط الصوم ووقته..ويجي يعمل نفسه مش واحد باله.. وبين واحد تاني لسه بيتعلم.. وفيه فرق بين صاحبتنا اللي فاهمة كويس شروط الحجاب.. وعامله نفسها من بلاد بره... وبين واحده تانية محدش قال لها شروط ولا مواصفات الحجاب! مِنكُم مَّن يُرِيدُ الدُّنْيَا وَمِنكُم مَّن يُرِيدُ الآخِرَ فيه فرق بين واحد بيحاول يتعلم وبيحاول يعمل باللي اتعلمه.. وبين واحد مـُصر انه كل مايسمع أمر من أوامر الله.. بدل مايقول.. سمعنا واطعنا.. "يقول.. طب استنوا عليا شوية لما اقتنع... او انا احسن من غيري.. او احمدوا ربنا اني بعمل كده" لحظة تركيز.. لحظة اعادة حسابات.. لحظة صراحة.. وكل واحد يشوف نفسه واقف فين اللي ميعرفش.. يسأل ويتعلم.. عشان يعرف هو مطالب بإيه.. وإيه الي له وإيه اللي عليه ويارب نكون ممن قال فيهم رب العالمين...وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ المَصِيرُ [ندعوك للتسجيل في المنتدى أو التعريف بنفسك لمعاينة هذه الصورة] وأهلا بالتعليق .. والاضافة

لو الكل حط امام عينيه الجنه وبهائها وجماله ونعيمها

وحط النار وعذابها حنبطل نتدلع

جزاك الله خيرا على الموضوع الرائع

عندك حق فعلا والله
شكرا على مرورك المميز