منظومة الصوت بشكل عام فى الهواتف الصينية كيف تعمل

بسم الله والصلاة والسلام على سيدنا محمد رسول الله
موضوع انهاردة واضح من عنوانة الا وهو منظومة الصوت بشكل عام فى الهواتف الصينية كيف تعمل ومن اين الى اين مساراتها ودة الى هنتعرف علية دلوقت بعد ما نشوف شوية اسالة مع بعض
1-هل كل الهواتف الصينية بها كرستالة صوت ؟
2-ما هو افضل نوع من البروسيسور من حيث التعامل مع الجهاز للفنى اى من حيث التسخين او التغير ؟
3-هل كرستالة الصوت فى الهواتف الصينية ماسكة او مرتبطة ب الصوت بشكل عام ؟
4-ما المسمى العلمى لمسار الصوت وهل يختلف هذا المسار من جرس الى السماعة الى مايك؟
5-مسار الجرس من تحت البروسيسور هل يختلف عن السماعة والمايك ؟
6-هل يمكن ان يتم الاستغناء عن سالب المايك او الجرس او السماعة باى ارضى وهل يمكن تبديل الاطراف وتعمل المنظومة ام لا ؟
7-ما هى كرستالة الصوت وما عملها فى الجهاز وهل يمكن التعويض عنها؟
بسم الله الرحمن الرحيم
1- هل كل الهواتف الصينية بها كرستالة صوت .طبعا لا فية اجهزة فيها كرستالة للصوت واجهزة فيها اى سى يؤدى عمل الكرستالة وفبة اجهزة مدموج مع البروسيسور اى سى الصوت مثل بروسيسور ال (mediatek) مش كلها بعض انواع منها وكذلك ال (spreadtrum) الانواع الحديث منها
2-ما هو افضل نوع من البروسيسور من حيث التعامل مع الجهاز للفنى اى من حيث التسخين او التغير.
افضل نوع هو ال mtk لانة بيبقة معاة اى سى باور مساعد ودة بيسهل التعامل معاة وكذلك لسهولة فكة وتركيبة اما عن الميديا تك دة بيكون اصعب نوع طيب لية لانة بيبقى مثبت من الوسط لارضى ازاى بمعنى ان رجولة على الاطراف وفى المنتصف ارضى للتثبيت ودة لما تيجى تسخن علية يبقى تسخين فقط بلاش تخلخلة او تحركة لانة بيتحرك من مكانة وبيثبت وصعب تغييرة لان الارضى الى فى المنتصف بيعوز درجة حرارة عالية عشان القصدير يفك مما يؤدى الى انتفاخ البوردة والنوع الاخير الاسبريد تيرم ودة صعب تغييرة لانة بيبقى لية رجول من تحت كتير بمعنى ان ارجلة كتيير زى اى سى الباور بس اى سى الباور حجمة صغير مما يسهل التعامل معاة الاسبريد يمكن تحريكة او خلخلتةبس بيحتاج شوية صبر
3-هل كرستالة الصوت فى الهواتف الصينية ماسكة او مرتبطة ب الصوت بشكل عام طبعا لا ودة ان فية فنيين كتير مفتكرة ان كرستالة الصوت ماسكة منظومة الصوت كلها ودة كلام غلط كرستالة الصوت مسئولة عن صوت الجرس فقط
4-ما المسمى العلمى لمسار الصوت وهل يختلف هذا المسار من جرس الى السماعة الى مايك المسمى العلمى لمسارالجرس هو الx_audio اما مسار السماعة والمايك يسمى بمسار ال audio
5-مسار الجرس من تحت البروسيسور هل يختلف عن السماعة والمايك طبعا مسار الجرس بيطلع من البروسيسور عن طريق اشارة واحدة اى طرف واحد وبعدين اى سى او كرستالة الصوت بتخلية فردين موجب وسالب اما مسار المايك والسماعة كل منهما يخرج عن طريق اشارتين او فردين
6-هل يمكن ان يتم الاستغناء عن سالب المايك او الجرس او السماعة باى ارضى وهل يمكن تبديل الاطراف وتعمل المنظومة ام لا الموضوع دة يطول شرحة الاول هنتكلم عن المايك لايمكن تبديل اطراف المايك الموجب مكان السالب المايك لية قطبية اما السماعة والجرس فعادى الموجب مكان السالب مش هتفرق طيب ينفع لو انا عندى سالب المايك طاير من البوردة او مساره مفقود اوصلة باى ارضى اة ينفع بس ممكن تواجهك شوية مشاكل صوت المايك ضعيف او صوت زبزبة اثناء الاتصال طيب وهل يمكن فعل هذا مع السماعة او الجرس بالنسبة للجرس عادى لان على البوردة بيبقى محدد لك اطراف موجب وسالب اما السماعة ف التعامل بيكون صعب شوية عشان مش بيبقى مكتوب ان الطرف دة موجب او سالب فدة بيحتاج منك شوية وقت انك تقعد تجرب انك توصل الطرف دة باى ارضى او دة باى ارضى ماانت مش عارف ايهما نوجب وايهما سالب ومش شرط ان يبقى سالب الجرس متوصل ب ارضى لا مش معنى انه سالب يبقى ارضى
7-ما هى كرستالة الصوت وما عملها فى الجهاز وهل يمكن التعويض عنها كرستالة الصوت او اى سى الصوت الاول ماعملهما تكبير الاشارة الصوتية اى ان اشارة الصوت بتدخل بقيمة اوم ضعيفة بتخرج بقيمة اكبر ومن ثم الى السماعات ولا يمكن التعويض عنها لانهاتعمل كمكبر وليس كفلتر
الاول هنتعرف على عائلة البروسيسورات وازاى نفرق بينهم

[ندعوك للتسجيل في المنتدى أو التعريف بنفسك لمعاينة هذه الصورة]
بعد ما شوفنا الدنيا فيها اية ندخل ونشوف توزيع الفولتيات والمسارات تحت اى سى الصوت
[ندعوك للتسجيل في المنتدى أو التعريف بنفسك لمعاينة هذه الصورة]
وعلى طول تحت الكرستالة
[ندعوك للتسجيل في المنتدى أو التعريف بنفسك لمعاينة هذه الصورة]
ونشوف مسار الaudio الخاص ب السماعه

[ندعوك للتسجيل في المنتدى أو التعريف بنفسك لمعاينة هذه الصورة]
ومن ثم مسار الaudio الخاص ب المايك
[ندعوك للتسجيل في المنتدى أو التعريف بنفسك لمعاينة هذه الصورة]
ارجو ان اكون قد وفقت فى الشرح وان اكون اضفت ولو القليل لمعلوماتكم تقبلو تحياتى